很忙， 由朝到晚不停玩....
作者:貓.B.佬 日期:2008-08-18 12:11
等得太耐了...新玩具... :P
作者:貓.B.佬 日期:2008-08-18 10:32
2006 年 Apple 公佈 iPhone, 就一直很期待它的發售, 很可惜, 到真正發售日, 看著它的 Spec, 真的有些失望, 所以放棄 iPhone, 買了 N95, 但 N95 根本不能滿足我的要求, Screen 太細, 好用好玩的軟件太少, 又不能手寫中文, 打英文也很難, 終於一年後....
雖然 iPhone 3G 有很多人 complain, 但用了 MacBook Pro 1 年, 對 Apple 的 product 很有信心, 加上工作上需要寫 iPhone 的 App, 所以一直希望 IVE 續約後買 iPhone 3G, 但真的很難忍到 9月1日, 所以....
拆除防禦系統
作者:貓.B.佬 日期:2008-08-15 10:53
坐凳仔... 原來係好難 >_<'''
作者:貓.B.佬 日期:2008-08-12 10:11
要開始 plan 下同阿女訓練去厠所, 第一件事要佢自己除尿褲, 除尿褲就要學坐係凳仔上, 老婆一直搵緊一張有 '扶手' 的凳仔, 但一直都搵唔到, 真係唔明d凳仔係唔係只係比d一開始就識坐 ge 小朋友....
最後我地終係打風個日係荷里活廣場搵到張 '膠凳' (老婆想要 '木凳'...), 昨日走去買, 但發覺佢有一個古怪功能, 一坐底就會 '響'....
番到屋企, 阿女一見就好開心要坐, 看來她很喜歡坐底時 '響' 聲, 但發覺她坐得很困難, 她現在要靠 '扶手' 去掌握距離及空間感 (老婆有先見之明 ^^V) , 睇黎如厠訓練的第一步也不易...
偷得半日閒
作者:貓.B.佬 日期:2008-08-07 10:46
昨日8號風球, 預備係家中做一日湊女工, 老婆突然比左個 suggestion.... 去荷里活廣場睇戲! O! 太好了, 終於可以去睇戲了!!!!
老婆唔肯睇 Batman, 唯有揀 WALL-E, 其實好多人話 WALL-E 好正, 但亦都有d sad, 並唔係 '笑聲震太空', 睇完後都好滿足, 因為真係好正, 迪斯尼繼 'The Incredibles' 後又一超正動畫, 但故事內容真係有d sad...
其實老婆都唔想睇, 因為係廣東話配音, 但呢套戲真係無 mud 對白, 所以無得揀之下去了, 但我亦忘記了 廣東話配音 的大毛病.... 好多小朋友去睇, 佢地會一路睇一路問.... 有個細路不停問 'WALL-E 個女朋友呢? 點解佢地唔講野...',算啦, 自己個女將來都會係咁....
睇完返屋企, 阿女剛好午睡, 以為可以蛇下, 點知佢瞓左半粒鐘就醒... >_<''''
無人公園.... 太曬了 =.='''
作者:貓.B.佬 日期:2008-08-05 14:18
終於過 '大' 海....
作者:貓.B.佬 日期:2008-07-28 11:33
渣車到現在, 還未去過香港, 一聽到d人講紅隧三線變一線就覺得頭痛, 加上銅鑼灣, 灣仔基本上係新牌仔禁地, 所以一直望海輕嘆...
昨日阿女病好, 預備叫的士過海去貝沙灣同婆婆慶祝生日, 但而家d的士好難搵, 我想自己渣, 但老婆又擔心落雨我渣唔掂, 我只好說遲早一日要過海, 唔通日日等人幫, 點都要試一次. 其實我呢幾日不停睇紅隧和香港仔d路, 一心想闖一闖紅隧, 只係老婆擔心我 (and 阿女), 但人始終係要經驗, 經驗就是要靠實戰, so... 我要去數碼港!!!
一開車就發覺有個車軚漏氣, 原來比粒鑼絲釘拮穿左 @_@, 唔通連個天都唔想我過海?? 但幸好樓下就有車房, 個師傅攪左 15 分鐘就掂! 沿途一滴雨都無 (原來係新界北落勁雨), 結果當然係平安無事到步,至於紅隧的三線變一線,只要小心d及忍下d人不停打尖, 基本上好易 je! ^^V (老婆: =.='''')
下一個目標: 海洋公園!!!! 
